واخيرا العضو العـــــــاشر

كدا تحطونى على الكرسي الكهربائي
طيب بقا اللى هيدخل هعورة

حبيبه قلبى
انا جيت اهو
هاتعملى اييه بقا


يلا جاوبى بقا


ايه مواصفات فتا احلامك؟؟


هل هو موجود ام لا.؟؟؟؟

مين اكتر حد تثقى فيه؟؟؟؟

ايه رايك فيا؟؟؟؟

ايه رايك فى المنتدى واعضاؤه؟؟؟؟


كفايه عليكى كده لحد دلوقتى

ههههههههههههههههههههههههه

انا بردة اقدر اعملك حاجة انت عايزنى ادخل سجن المنتدى
وبعدين تعالى هنا انت داخل غويط اوى كدا لية
دا انا قولت كويس انى قعدت على الكرسي الناس مش رايقة علشان الامتحانات بقا ومش هتسأل فى الحاجات دى
على العموم الاجابة لوزتى العزيز

ايه مواصفات فتا احلامك؟؟
ياااااااااااه فتى احلامى ههههههههههههه
هو شخص عادى (الموصفات الاساسية التدين)
بيحبنى وبيخاف عليا وانا بحب وبخاف علية
مالوش اى علاقة بالبنات ولا صداقة ولا حتى سلام علشان انا مش شفشق
يكون بيحب الاستقرار _الاطفال_ المشاركة
يكون يعرف فى شغل البيت علشان يساعدنى لما نتجوز

________________________
هل هو موجود ام لا.؟؟؟؟
امممممممممم يا سوسة انت يا سوسة

موجود طبعا

فى الاحلام
____________________________

مين اكتر حد تثقى فيه؟؟؟؟
امممممممممم مش بدى ثقتى فى شخص
ثقتى فى ربنا بس
وعلى فكرة دى مشكلة عندى
____________________________

ايه رايك فيا؟؟؟؟
شخص غامض جدا
مش direct
دا الصفات اللى مش بتعجبنى اللى بيعجبنى ,,,,
جدع الصراحة ولما بطلب منك اى حاجة بتعملهالى على طول
عادى ومش اوفر فى ستايلك زى الاستايلات اللى بنشوفها
كفاية كدا

__________________________________



ايه رايك فى المنتدى واعضاؤه؟؟؟؟
لذيذ تقريبا كلنا شباب ممكن نبق صحاب بسرعه
ان شاء الله فى الاجازة ممكن نفيد بعض للأحسن
والمنتدى حلو بس عايز skin واحد علشان نستقر علية
بس زوقك حلو وشغلك حلو فية
_________________________________

ازيك يا رودى على فكرة بحب اسمك وعندى قطة مسمياها رودى
خدى بقا شيلى الواد عمران عقبال ما ارد على الاسئلة احنا قد بعض يعنى
وشباب وبنات ولا انتى من حزب خط الصعيد وهتبعينى

ارد بقا على الاسئلة
اشمعني الاسم ده بالذااات يعني (ام عمرااان
انا بحب اسم عمران وشايفة انة اسم وقور اسم يعطى لصحبة هيبة
على العكس تامر وميمي والكلام دا وانا نفسي اخلف ولد واسمية عمران
ويبقى اسمى ام عمران او ام مريم
______________________________________________

اوصفي شعور الوحده اللي حستيه بالظبط؟؟

احساس الوحدة كان ناتج عن دخول كلية واتفرقت انا وصحابي
اتعرفت على ناس جديدة
كان ليا انتيم فى الكلية بس لما قعدت فى الكلية غيرت سلوكها للاسوأ
بعدت عنها بعد ما حاولت كتير اغيرها ..... الدفعه كلها صحاب انتيم
وانا فضلت لوحدى وكان فى فواصل بين السكاشن تتعدى الساعتين والتلاتة
كنت ببقا لوحدى حصلى مشاكل واجهت حاجات فى حياتى لاول مرة تحصلى
كنت لوحدى فيها تعبت اوى الايام دى والناس اللى قريبة منى كانت مشغولة بردة فى حياتها
طبعا اتصرفت تصرفات لحد دلوقتى مش عارفة صح ولا غلط
كنت بستعين بربنا فى كل الحاجات وكنت بدعى وانا بصلى انة يبعتلى صاحبة من بتوع عين سمش
نحب بعض ونصبر بعض على اليوم الطويل بتاع الكلية
ولما جيت فى سنة تانية ربنا بعتلى احلى صديقة من السادات
مش هقولك صحاب اخوات بجد جاتلى بجد دعوه من السما ومن ساعتها حياتى كلها بقت حلوة
والحمد لله يعنى كل الاحاسيس الصعبة انتهت تماما
_______________________________

دموع ام عمران لمن؟؟
لربنا
_____________________________

على فكره انتى غامضه شويه وبتتهربى الى حد ما ما علينا انا هتصرف

1) مين اكتر واحد/واحده بتحبيه وبترتاحيله
2)مين اكتر واحد/واحده بتكرهيه

انا غامضة يا مادوا والله ابدا انا صريحة .......
الاجابة على السؤال

مين اكتر واحد/واحده بتحبيه وبترتاحيله
اممممممممممممم اكتر حد بححبة وبرتاحلة هو نادية صحبتى
__________________________________
مين اكتر واحد/واحده بتكرهيه

اكتر حد بكرهه مش هقول مكرهتش لا كرهت ناس معينة
وتقريبا لو حد محبنيش انا بالطبع مش هحبة من القلب لللقلب يعنى
بس مش هعرف اقول اسم معين والحمد لله كل اللى مش بحبهم بعاد عنى تماما
ومفيش حتى اى تعامل
_________________________________-

السلام عليكم
هاو دو يو دو شباب
يارب اكون خفيف ف الاسئله يا ام عمران
صحيح متنسيش تجيبى بامبرز لعمران علشان غرق المنتدى

نبتدى :

1- انتى مبسوطه ف الكليه اللى انتى فيها؟ ولو مش عجباكى ( كان نفسك تدخلى ايه ) ؟

2- امتى قلتى ( انا حظى كده - تبقى ف ايدك وتقسم لغيرك-انا غلطااااااانه-انا فرحانه اوى)؟

3- لما بتضيقى بيبقى ايه رد فعلك ( وانتى شيفه ردود افعالك عاديه ولا اوفر ) ؟

4- مين اللى ممكن تظهرى ضعفك قدامه ؟

5- ايه رايك ف الضعف وامتى حسيتى بيه ؟

6- هل الوحده اللى انتى مريتى بيها هى سبب انك مبتثقيش ف حد ؟

7- شايفه نفسك ازاى ( واوصفى شخصيتك ف كلمتين ) ؟

8- انتى ماشيبه ع الخط اللى انتى رسماه لنفسك ولا بتحودى عنه وبتخرجى عن الخط ؟

9- ايه الموضوع اللى شاغلك اليومين دول غير الامتحانات ؟

ايه رايك كل الاسئله متوقعه انا مبخرجش عن المنهج

والشاى اللى مشربتهوش عند رودى هشربه عندك باذن الله

شكرا على مرورك انتى يا قمر

1-انتي ف كلية ايه صحيح وسنه كاام
انا يا ستى كلية (تربية) قسم فيزياء وكمياء الفرقة التانية

______________________________
2-اخبارك ايه ف شغل البيت والمطبخ؟
لسة جاية حالا والله من المطبخ مسحت الارضية لغاية ما حسة انى مش عارفة اقف
انا بحب اغسل المواعين لكن مش بحب انفض وبحب الطبخ وعندى روح لية
بس ككل الحمد لله ..... يعنى ماشي الحال مش هرجع بالكحك
___________________________________

3- شايفه اللي فيكي غلط ونفسك تصلحيه؟
التردد .... مش بعرف اخد قرارات للمدى البعيد
انا عندى ثقة كبيرة الحمد لله فى نفسي
لكن لما اجى اخد قرارات تخص مستقبلى مش بعرف نهائي
وفى حاجة تانية ( الخوف) كتير اوى بخاف من حاجات او من ناس
بحس انى مش عندى قدرة على المحاولة او المواجهه وبعالج امورى
كلها بالهروب
_____________________________________
4-اخبار حياتك العاطفيه ايه؟
الحمد لله مش حسة بأى شعور سئ تجاة الموضوع دا
خاصة من نفسي
مرتاحة الحمد لله حبيت او اتحبيت باخد من اى احساس بحسة
شئ كويس يخلينى اكمل حياتى وانا سعيدة من غير اى مشاكل

__________________________________________

5-لو فيه حد طبعا يبقي وجهيله رساله من ارض التهييس؟
فى شئ ضعيف رابط ما بينا ودا النصيب هتخاف علية هخاف علية هتسيب هسيب
__________________________________________
احساس الامومه عندك جبااار اوي احكيلنا عن يوم مع عمران وابو عمران ان شاء الله
انا كل امنيتى انى اكون ام فعلا جوايا كمية امومة تكفى 3 اطفال
ابو عمران دا اول ما يجي عمران انا ولا هعرفة مع نفسة بقا
انا فعلا حسة انى اهتمامى بابنى او بنتى هيقلل من اهتمامى بجوزى
ربنا يستر بقا ومش يزوغ بعينة كدا ولا كدا علشان مش اعملة عاهه مستديمة
علشان كدا انا نفسي جوزى يكون بيحب الاطفال والبيت وانا ان شاء الله هشترى مع الجهاز بتاعى
طاولة واتعلمها واخصص وقت العب فية طاولة معاه علشان مش يبقالة حجة
ولا يروح القهوة دى بتاتا
___________________________________________________

-امنياتك السنه دي اللي تحقق واللي لسه؟؟
اممممممممممم امنياتى والله على المدى البعيد شوية هى انى اكون ام دى اللى مش اتحققت ولا هتتحقق السنة دى
ممكن السنة الجاية

اما اللى اتحقق هو انى لاقيت صحبتى معايا فى الكلية وبحبها زى ما تكون اختى بالظبط
_____________________________________________________
8- ايه رايك ف نظرية التقل عند البنااات بالذاات؟
نظرية صح مليون المية على راى المثل ( اتقل على الرز )
ومش للبنات بس للولاد كمان
بس خد بالك للرز يتحرق
__________________________
9- اكتر انواع مش بتعجبك ف الشباب والبنات ولييييييه؟
البنت اللى شايفة نفسها عارضة ازياء وانها جميلة وماشية تستعرض الطقم الجديد
بشوف حالات من دى بالهبل ومش بحب بردة البنات اللى تنهى عن فعل وتحللة لنفسها
فى بعض البنات حطين العقدة فى المنشار ودا غلط ... حرام وهما (نفسهم ضعيفة جدا )

اما الولاد
طبعا الولد اللى بردة شايف نفسة وفاتح فتحة القميص اول ما اشوف ولد كدا بستحقرة
بمعنى الكلمة ( سورى دا رائيى)
الولد التافه فى ولاد تحس انهم بيخبطوا كدا عيال عبيطة
البنات سورى قصدى الولاد اللى تتبع الموضه البايخة ويبقا ماشي بهبل كدا
منزرهم بيبقا يضحك اوى
كفاية كدا والنبي لحسن هنضرب
__________________________________________-
-يعني ايه الحاجات دي ليكي
الحب ... انا عايشة على الكلمة دى
المااااااضي ..... مسحاه بأستيكة

الفراق ...... مش بفكر فية لانى مش قدة
التضحية ....... الله يرحمها ويحسن اليها
دا عمران احلى بوسة ليكى يا قمر

تعرف انى بالشكل دا يا هشام هغير اسمى
وبعدين عمران كبير مش يعمل حاجات من دى دا عندة 6 شهور بحالهم وهو زعلان منك وهيوريللك
المهم
ارد على الاسئلة الواضح انها صعبة
1- انتى مبسوطه ف الكليه اللى انتى فيها؟ ولو مش عجباكى ( كان نفسك تدخلى ايه ) ؟
لا الحمد لله انا مبسوطة فى الكلية اللى انا فيها خصوصا انى الاسبوع كلة فى علوم
مش فى تربية نفسها وعددنا قليل جدا حوالى 15 طالب بالوافديين كمان
وقسمي صعب بس انا حباه وربنا معانا اهو احسن من طب بيطرى لان انا بخاف جدا من الحيوانات
الحمد لله
______________________________________________
- امتى قلتى
انا حظى كده ......... كنا فى اسكندرية وكنا رايحين ستانلى واتفاجئنا ان الشنطة بتاعت بنت خالى
ضاعت ورجعوا يدوروا عليها والوقت فات (مع العلم انى كانت اول مرة اتفسح وعمرى ما شفت استانلى
وكانت اول مرة اروح اسكندرية اكتر من يوم واحد معلش انا حظى كدا)
______
تبقى ف ايدك وتقسم لغيرك
بقولها كتير لما اكون باكل او بشرب حاجة والباب يخبط
حد يجى ياكلها
بس مش بقولها على مستوى اكبر من كدا لانى الحمد لله مؤمنة كل واحد لية رزقه
______

انا غلطااااااانه؟
دايما بقولها لما بعمل حاجة بقصد كويس وتتقابل اكنى اجرمت
الدنيا دى ماشية بالعكس والله
______
انا فرحانه اوى
لما بلاقى تاكسي بسرعه وانا راجعه من الكلية ببقا سعيدة سعادة يالهوز
___________________________________________
لما بتضيقى بيبقى ايه رد فعلك ( وانتى شيفه ردود افعالك عاديه ولا اوفر ) ؟
انا بضايق بسهولة بس بستحمل بس مش بحب حد يتكى عليا فى ناس بقا بتضرب على الحديد وهو سخن
بتبقى ساعتها عصبيتى اووووفر بعمل بلاوى وبتعب فى الاخر
ونهاية التعصب اللى عندى (تعبت وجالى قولون عصبي) دلوقتى بفكر الف مرة قبل ما حاجة تعصبنى
بحاول ابقى اهدا
_____________________________________________
مين اللى ممكن تظهرى ضعفك قدامه
الشخص اللى بحبة
_____________________________________________
ايه رايك ف الضعف وامتى حسيتى بيه
احساس صعب واثارة سلبية جدا والاحساس دا جوايا
يعنى فى ام عمران من جوة مش من برة لانى لو ضعيفة من برة مش هعيش
بس الضعف مش صفة موجودة لان مش فى انسان ضعيف بس فى روح او نفس ضعيفة
_____________________________________________

هل الوحده اللى انتى مريتى بيها هى سبب انك مبتثقيش ف حد ؟
لا تماما انا الحياة هى اللى علمتنى انى مش اثق فى حد
خصوصا انى ولدى متوفى وانا عندى سنتين ونص فعمرى ما كنت طفلة
يعنى كنت راجل من يومى وشفت ناس بتبقى كويسة وبتتغير وشفت نا بتبقى كويسة
ويبقا المعاملة الكويسة دى لغرض . يعنى صعب انك تلاقى حد تثق فية
_____________________________________
شايفه نفسك ازاى ( واوصفى شخصيتك ف كلمتين )؟
ملاك وشيطان
_________________________________-
انتى ماشيبه ع الخط اللى انتى رسماه لنفسك ولا بتحودى عنه وبتخرجى عن الخط ؟
انا مش راسمة خطوط والله يا اتش
انا ماشية ببركة ربنا وماليش اهداف صعبة اسعى لها بجدية
هدفى الوحيد الاستقرار وراحة البال
________________________________

ايه الموضوع اللى شاغلك اليومين دول غير الامتحانات ؟
هههههههههههه
لامواضيع ولا حاجة انا قعده فى البيت زى الكرسي او الكنبة
بس اكتر حاجة بفكر فيها برنامج الفير فاكتور (ياترى مين هياخد ال 50 الف زرار )
_________________________________________

ايه رايك كل الاسئله متوقعه انا مبخرجش عن المنهج ؟
اسئلتك جميلة غير متوقعه الصراحة
____________________________________
والشاى اللى مشربتهوش عند رودى هشربه عندك باذن الله
الغدا الاول يا معلم انت تؤمر

نورتنى

حبيبي
حبيبي
حبيبي
حبيبي





حبيبي

وانت مالك انت

اكتر موقف اتجرحتي فيه؟؟
كنت راكبة المترو ف اسكندرية وكنت واقفة وكان فى اجانب شكلهم من فرنسا قاعدين وبيتكلموا فرنساوى
وانا كنت واقفة انا وقريبى المهم اتخنقت منهم وهما قاعدين عمالين يبرطموا قعدت اتسلى عليهم انا وقريبى
بجد قطعناهم
كل حتة فيهم اتريقانا عليهم وهما ولا هنا عمالين يبرطموا بردة زودناها علشان نسلى السكة اتريقنا على لبسهم وجسمهم وبقينا نقول استرى نفسك يا اختى
وكلام ايييييييية
وشوية لقيت حد بيقولهم انتوا نزليين فين وكانت الاجابة ؟


!!!!! ردت الست
المحطة ان شاء الله واتاريها هى وابنها وبنتها والعيل الصغير كانوا فهمنا وانا كنت مستلمة الولد وكنت بقول علية مش راجل
وهيييييييه المهم انا حسيت ببجار طالع من قفايا وكنت عايزة اهرب قمت بعدت ووشى احمر واتكسفت وهما قعدوا يضحكوا علينا
بس اتعلمت من الموقف دا جامد
_______________________________________________
مفيش امل انك تعيدي وجهة نظرك ف موضوع التقل ده؟؟
امممممممممممممممممممم
ممكن طبعا
علشانك بس بس بردة التقل صنعه
________________________________-
ف فرحك الخطوبه يعني عايزه تلبسي لون ايه؟؟
نبيتى
____________________________
وياتري هتتحجبي ولا من انصار هيفا وهبي ؟؟
انا نفسي اعمل شعرى وفستان الصراحة
بس هبقى حسب رغبة خطيبى 100%
______________________________
امتي قولتي لقلبك متامنش لاي عاااااااشق
انا مش بقول مش تامن لاى عاشق بس
انا من انصار (مفيش امان لحد )
_______________________________
يعني ايه اعتراااف البنت بحبها للولد ؟؟
شئ خطير وفى معظم الحالات نتايجة سلبية جدا وانا مش معاه بتاتا خصوصا لما البنت هى اللى تبدا
لكن ليا رأى معاكس ان التعبير عن المشاعر
شئ مررررريح ويمكن كتمانة يسبب مشاكل اكتر من البوح بيها
_________________________________
امتي قولتي دي مش انااا؟؟
لما بلاقى نفسي بتعامل بطيبة وباجى على نفسي
___________________________
اكتر اغنيه بتحبيها وتعبر عنك؟؟
اغنية بهاء سلطان وتندم لية
________________________

الي اي مدي ممكن تسامحي حبيبك؟؟
اقل مدى وفرصة الغلط صغيرة جدا مش بسامح بسهولة بمعنى مجمل
________________________________-_________
ميرسي يا جميل ونورتينى