سؤال مهم

سلامى لاحلى شباب منورين المنتدى

كنت عاوز اكلمكم ف موضوع بالنسبالى مهم

احنا الحمد لله قضينا العام الجامعى الدراسى لينا

منا اللى قضى العام الاول له ف الجامعه وده اللى الموضوع ده يهمنى انى اعرف رايه فيه

اكتر ومنا اللى قضى العام التانى واللى قضى العام التالت

وعدى علينا بحلوه ومره وامحاضراته وبسكاشنه وامتحاناته وبسلطاته وبابا غنوجه

هل كل واحد فينا وقف وقال هو انا عملت اليه السنه دى ؟؟؟؟؟؟؟؟؟؟؟؟؟؟؟؟؟

( كسبت ايه -- خسرت ايه -- ايه اللى اتغير فيا -- انا ماشى صح ولا عاوز اظبط شويه حاجات )

وانا النهارده بسالكو السؤال ده

يعنى كل واحد يدخل يقول هو استفاد ايه وكسب ايه وخسر ايه واتعلم ايه ( ف فنون المعامله )

وطبعا ممكمن تتكلمو بصراحه ( انا مش هقول لحد )

وياريت الفكره تعجبكو

YOUR BROTHER

وانا هبدا واقول

انى حسيت ان ده اول عام جامعى عدى عليا مع انه التالت

بس حسيت بكده لما الحمد لله وصلت للى انا كنت بتمناه واللى ربنا

ساعدنى فيه جااااااااامد وبقول الحمد لله انى دلوقتى ف قسم عماره

يمكن دخولى للقسم هو اللى حسسنى ان دهى وال سنه جامعه

بصراحه اتبسطت جدا واعتبر انى استفدت كتير جدا

واكتر حاجه اتعلمتها انه لو ليك نصيبي ف شئ والله لو العالم كله وقف

قدامك هتاخده يعنى هتاخده

وبعد دخولى القسم بصراحه اتعاملت بانطلاق لان القسم عندنا يساعد علىكده

تحس انك قاعد مع اخواتك على طول وكسبت ناس الحمد لله كويسين ومحترمين

وبدعى ربنا ان الاخوه والجدعنه اللى بينا تستمر

يعتبر انا خارج من السنه دى كسبان

( ناس محترمه- دخولى القسم اللى بتمناه - الحمد لله سايب سيره طيبه)

اى نعم خسران صحتى ومفيش نوم وخارج نظرى شيش بيش خالص م التصميم

بس ف الاخر بقول الحمد لله على كده

واتعلمت حاجات كتير ف فنون المعامله سواء شباب او بنات

واساسى انى اتعلمت يعنى ايه تصميم ويعنى ايع مهندس معمارى

شكلى طولت عليكم

ده الحمد لله اللى انا خرجت بيه لانى بحب اسل نفسى كتير انا استفدت

ايه ؟؟؟؟؟؟؟؟؟؟؟؟

اتش

اتمنالك التوفيق يا هشام

انا بقا حسة انى فى اولى جامعه السنة دى مع انى فى تانية
لانى كنت مش عايشة فى جو الجامعه نهائي فى اولى
السنة دى كويسة الحمد لله
قدرت اقيس قدرات معينة فيا مع تحدى جوايا
نجحت الحمد لله وقدرت اظبط نفسي وبقيت اقدر اخد قرارات نهائية
عرفت ازاى اعرف اللى قدامى ومش اتاثر غير بحكمى انا علية
فضلت وثبت اكتر على مبدائى مفيش امان
حسة ان فى تطور يومى يوم بيوم فى حياتى
مش استفدت من الجامعه كدراسة غير الكميا والفيزيا
مخرجتش منها بمعرفة ناس كتير ولا حاجة السنة دى
بس اخدت اكتر على صحابي بتوع اولى وبقا فية تبادل ثقة وحب
حاجات تانية بس فى حياتى الخاصة وصلت الحمد لله للمستوى المثالى
حاجات تانية واجهت خمول شديد ولسة مش جبت حل لها
معتقدش انى خسرت او اتمنى انى مش اكون خسرت
احلى مسا للمعلم هشام منور الدنيا

تسلمى يا ام عمران وطمنينى على عمران بقى

وثانك يو على مرورك

بس سؤال صغير مبدا مفيش امان ( كويس ) ؟

ولا قصدك تعرفى اللى قدامك من اول نظره ومن اول فعل له ؟

احب اضيف انى عرفت احساس انك تخاف على حد وانت مش دارى

والجراه زادت عندى اكتر

اولا بهنيك يا هشام على الموضوع بجد لان فكرته جامده فعلا
انا بقى كده كده لسه فى اولى
اولا الى استفدته فى السنه دى هو انى اخدت ثقه فى نفسى
انى اتعلمت ابقى جريئه زياده على انا كنت فيه شويه
انى اكتسبت صديقه جميله جدا وصديقه فعلا بجد
بس المشكله ان جو الكليه مش عاجبنى بكل ما فيه انا كنت بحب جوى الاوولانى البسيط لكن جو الكليه ده حسه انه جو كبير عليا اوى
مش عارفه ده احساس طبيعى ولا انا الى عندى مشكله
بس اهو بحاول اتاقلم
وطبعا مقدرش انكر انى اكتسبت اخ زى حازم واخت زى هبه واخت زى فاطمه

ثانك يووووووووووووووووووووووووو

انشاء الله الجو الكبير ده هيتملى بعد كده اصدقاء

وهتحسى بجد بطعم الكليه كل سنه عن التانيه

وربنا يرفقك ف السنين اللى جايه

هههههههههههههههههههههههههههههههههههه فاضحنا انت دايما كده ياعم بلاش رومنسيات لاحسن هعيط منكم والله

ما عليييييييييييييييييييييينا

1)كسبت ايه؟
ماكسبتش فى الكليه غير من المواصلات عرفت جو كبير وصعب التعامل معاه

2)خسرت ايه؟
خسرت كل حاجه الدراسه وبره الدراسه

3) ايه اللى اتغير فيا ؟
ما اتغيرش حاجه بالنسبه للسنه الدراسيه انما برد الدراسه حاجات كتير


4)انا ماشى صح ولا عاوز اظبط شويه حاجات ؟
لا ماشى طبعا غلط وغلط كبييييييير وللاسف ماعرفتش كده غير قريب
انا اسف على الكلام الى يدايق ده بس ضيعو ولا اكنكم قريتو حاجه انا اتكلمت بس علشان حاسس انى بفضفض مع اخواتى
بس ان شاء الله مش هسمح لنفسى انى اغلط بالطريقه دى
شكرا يا اتش يافضحنا انت كده بس شكرا يا برنس

منور يا حوده

بس مش قصدى والله انا كنت حابب اننا نشوف احنا كسبنا ايه وخسرنا ايه

ونستفاد م السنه دى قدر المستطاع

مش عيب انك تقع بس العيب انك متعرفش انت وقعت ليه وتحاول تتقدم