مواقف تفطس من الضحك

Sat Sep 19, 2009 5:11 am

فى يوم كان الاستاذ بيشرح عن المخدرات
وكان جايب شوية حاجات مثل المخدرات
مثل بودرة الطباشير والملوخية الناشفة
وفعلا يشبه مثل المخدرات و فجأة واحد زميلى
قال كبسسة شرطة العيال كلها جريت
و الاستاذ لم الحاجة بسرعة وجري وهو مرعوب و شكلة عاش دور تاجر المخدرات
ههههههه مقلب
_________________________________

كنت فى مره ايام الثانويه العامه كنت رايح اشترى لبن
المهم ان من طبعى كل لما اكون مشغول فى حاجه
انسى الدنيا كلها المهم روحت للبان وقلتله عايز كيلو لبن
واعطيتو 20جنيه قام الراجل ادانى الباقى وراح يعبى اللبن
بس قبل مايعبى اللبن كنت مشيت.وروحت البيت
ماما بتقولى فين اللبن قلتلها نسيته قالتلى طيب جبت ايه ..؟
قلتلها جبت الباقى.بصراحه كنت مكسوف خالص
وفى ثانيه كنت عند الراجل بجيب اللبن.ثانويه عامه بقى

________________________________

مرة كنت عايز اكلم واحد صحبي على موبايله لانه تاخر عليا
اتصلت عليه وانا كنت معصب جدا عليه !!!
طبعا هو كان في الحمام وموبايله بره
انا اتصلت واول ما فتح الخط انا قولتله
انت فين يا ابن الحمار
لقيتو بيقولي الحمار بنفسه معاك !! طلع ابوه اللي رد عليه مش هو !!

ههههههه

_______________________________

كنت مره بعمل شاى لاخواتى وليا ففتحت شباك المطبخ
لقيت صرصور مره واحده جى عليا رحت صرخت وصحيت البيت كلو
قمو قلولى ايه فى ايه قلتلهم صرصور
اخويا حدفنى با ولاعة وقلى افتكرنا المطبخ ولع

________________________________

كنت لسه صاحي من النوم، عالصبح كده،
المهم ماما قالت لي إلحق الراجل بتاع النعناع قبل ما يمشي،
عشان تجبلنا منه. جريت عالبلكونة، يا عم يا بتاع النعناع انت يا عاااااااام.
الراجل جاني، طلبت منه ، جهز طلبي و انا بفك السَبَت علشان متكعبل في بعضه،
الراجل زهق منّي. قاللي:"القف منّي يا بيه" ، المهم رمالي النعناع،
سيبت السبَت و مسكت النعناع، دلوقتي انا معايا النعناع و الراجل معاه السبَت
. رمالي السَبَت فسيبت النعناع عشان امسك السبَت. الراجل افش عليا و قاللي:
"دخل السَبَت الاول و بعدين خد النعناع". سمعت الكلام وتحملت التوبيخ
و اخدت النعناع وفرّجت المنطقة عليّا و كل ده عشان لسة مقلوب من عالسرير!

________________________________
انا اكتر موقف محرج حصلى انى كنت قاعده فى الفصل
وبعدين قاعده اقلد مدرس عندنا والفصل كله فى وشى بيضحك عليا
وكان خلفي الباب وبعدين لقيت العيال وشها احمر وكلهم بيقوليلى
بصى وراكى وانا اكمل برده غباء بعيد عنكم هههههههههه
المشكله مش فى كده بعد ربع ساعه قلت ابص ورايا
لقيت المدرس كمان فطسان على روحه من الضحك
قمت ناطه من الشباك بتاع الفصل الحمد لله
كنت فى اول دور الحمد لله
_______________________________

مرة كنت رجعة من المدرسة وكان رباط الكاوتش اتفك
فلاقيت عربية روحت حطيت رجلى على العربية وفجأة لقيت العربية
راحت مزمرة فى وشى انخضيت ورحت بصه على العربية
لاقيت فيها اربع شباب وكانوا فطسنين عليا من الضحك
من ساعتها بطلت انى اربط الكاوتش على العربيات

_______________________________

مره كان جنبنا بقال وانا كنت عازه لبان المهم
البقال ده كان عنده بابين بيطلو علي شارعين
انا رحتله من باب قلتله عندك لبان قالي لا
رحت لفه له من الباب التاني وانا بفتكره بقال تاني وقلتله
عندك لبان زعق فيا وقالي قلت لا كان شكلي وحش اوىىىىىىىى

________________________________

مرة كان فى حرامى فى البيت فاخويا قال لماما فى حرامى ماصدقتش
خالص فالتلهم انا هفتح الباب وورونى هو فين الحرامى ده
وبتفتح الباب لقت الحرامى فوشها قامت مصرخه

منقووووووووووووووووووول

Sun Sep 20, 2009 3:37 am

هههههههههههههههههههههههههههه

Sun Oct 25, 2009 10:53 am

ههههههههههههههههههههههههههههههههههههه

جامده طحن يا وزه

ياريت كل حد فينا يدخل يقول ايه الموقف المشابه اللى حصل معاه

Sun Oct 25, 2009 2:36 pm

اه والله ياريت الكل يدخل يقول الى عنده
وشكرا يا شباب على المرور

Thu Oct 29, 2009 2:26 pm

ههههههههههههههههههههههههه
حلوه المقالب دى يا وزه تعيش يا معلم وتاخد غيرها

Sat Oct 31, 2009 9:33 pm

ياعمم انا الى واخدها والله
لو بصيت فىالاخر هاتلاقى منقوووووووووول
ههههههههههههههه

Tue Nov 03, 2009 12:56 pm

هههههههههههههههههههههههههههه

شكرااااا على الضحك ده كله يا حازم

لسة اخويا الصغير من شوية بيحكى عن

مدرس كان بيديهم فى ابتدائى وبيحذرهم من خطر السجاير

وانها مضرة وغلط ومش غلط وهو اصلا بيشرب سجاير

راح اخويا قاله امال ايه يا استاذ اللى على ودنك وفى ايدك دى

قاله اسكت يابن ......

***********

اكتر موقف فكراه بيضحك كنت فى اولى كلية وعلينا امتحان فيزياء

وكان الجو هوا ومطرة ولابسة بوط وكعب عالى والدكتور نبه علينا لازم نحضر الامتحان كان زى ميت ترم

وكنت متاخرة وخدت الكلية جرى

المهم انا دخلت وزميلاتى قالولى مش هيدخلك رحت قلتهم هعمل اللى عليا دخلت

وكنت اخر واحدة ورفض اى حد يدخل بعد كده

المضحك دخلت اخر واحدة وطلعت اول واحدة

المهم اللى حضر حل او محلش خد الامتياز الباقى جيدجدا وجيد وكده

وكنت انا من ضمن الامتياز مع انى محلتش غير سؤال

**********

موقف مقرف

حصل لاختى

كانت عاملة مكرونة فى الغدا

المهم البيت الحمدلله اتغدى

طبعا كانت بتتسلى بعد كده

فراحت تتسلى عالمكرونة اللى اتبقت

وهى بتاكل

تتخيلوا
لاقيت ايه

تخيلوا كده

لاقت

صرصور

وكمان متحمر

راحت تعيط لحماتها

قالتها طب واعمل ايه

روحى ارميها

ههههههههههههههههههه

اكيد

الحمدلله

بطنكوا اتقلبت

هههههههههههههههههههه

وحلكم القرف

ههههههههههههههه

كفاية عليكوا كده

فاصل ونبقى نزوركم

ونواصل

فى القريب

العاجل

بمشيئة الرحمن

Fri Nov 06, 2009 5:35 pm

الله عليكى يا صوت الامل
تسلمى والله على مشاركاتك الجميله دى

Fri Nov 06, 2009 10:54 pm

والله انت اللى تسلم على موضوعك

ومع انى دخلت تانى اهو بس

بضحك بردو

وانت السبب فى اننا نفرفش كده

هههههههههههههههه

حلوة نفرفش دى

وفين يا جماعة مواقفكم المضحكة

منتظرنهااااااااااااا

Tue Jan 19, 2010 11:50 pm

ياريت الى عندو اى موقف مضحك حصلو يكتبه يا جماعه
خلينا نضحك من قلبنا كده
وثانكس يا صوت الامل على مرورك الجميل

مواقف تفطس من الضحك

مواقف تفطس من الضحك

Re: مواقف تفطس من الضحك

Re: مواقف تفطس من الضحك

Re: مواقف تفطس من الضحك

Re: مواقف تفطس من الضحك

Re: مواقف تفطس من الضحك

Re: مواقف تفطس من الضحك

Re: مواقف تفطس من الضحك

Re: مواقف تفطس من الضحك

Re: مواقف تفطس من الضحك

Re: مواقف تفطس من الضحك