تكنولوجيا الانتاج ورش

Thu Jan 29, 2009 11:27 am

السلام عليكم ورحمة الله وبركاته
انا مستغرب اوى من الناس اللى بتقول الامتحان صعب مش صعب على الاطلاق اى حد بس كان متابع فى الورشة ومتابع الكلام اللى كان بيقوله الدكتور وحاول انوه يفهم التقارير اللى طبعا كلكم نقلتوها
مقدر اقول عيب انك تنقلها بس العيب انك تنقلها بدون ماتفهم انت بتنقل ايه مه انت كده كده بتضيع وقت فى نقلها طيب ماتفهمها كمان وخلى الوقت منه فائدة مركبة انك نقلت وكمان فهمت وكمان الامتحان ده تاهيل للامتحان النهائى لانكوا فى اخر السنة هتمتحنوا امتحان تانى زى ده فياريت تستعدوا ليه وكل واحد يعرف مصلحته فين
النهاردة فى الورشة طبعا اكيد اللى ناقل منغير ميفكر هيتعرف ومن اول نظرة هنبصها فى تقريره هنعرفه علطول لاننا كنا طلبة زيكم تماما وفاهمين كويس اوى الحجات ديه اللى طبعا احنا كنا بنعملها زيكم بس لازم تتعلموا ان ده مش الصح واكيد اللى ناقل وفهم اللى نقله برده بيتعرف وبيتسال وبيجاوب
المهم
الاسئلة
ركزوا جامد اوى على قراءات الفيرنير والميكروميتر واستخدامات كلا منهم
انواع الدوات القياس الموجودة فى التقرير واستخدامات كلا منهم والفرق فى استخدام كلا منهم
ايه الفروق الاساسية فى ماكينات النجارة وكل ماكينة بتعمل ايه ولو اداك شكل معين ويسالك هو ده نقدر نطلعه باستخدام اى ماكينة
ايه الفرق بين تمويج الاسنان وتفليجها وما الغرض من هذه العملية
انواع الاخشاب واستخداماتها
زوايا القطع فى عدد البرادة وما الفرق بين الزوايا وما وظيفة كل زاوية
كيقية عمل القلاووظ الخارجى والداخلى
انواع المبارد واشكالها
الطريقة الصحيحة لاستخدام المبرد والمنشار
ماكينات السمكرة وثنى الصاج واستخداماتها والفروق الاساسية بينهم

كل هذة الاسئلة اللى ممكن يسالهالك اى مهندس او اى دكتور
لو جالك بقى حظك مع فنى فممكن يسالك فى الاجزاء بتاعت الماكينات فكل واحد وحظه بس نادرا ان دكتور او مهندس يسالك فى ده اسمه ايه يعنى مثلا مش هاعوزك تقولى ده اسمع دراع الماكينة لكن هعوزك تقولى ده بيعمل ايه لان وظيفه المهندس انوه يعرف ليه والسبب فكل واحد بقى ونصيبه

انا دلوقتى قلتلكم جميع الاسئلة اللى كنا بنسالها للناس واللى هنسالهالهم بعد كده فعليكم بقى كل واحد يعرف اجابتها ويتعلمها كويس اوى ومحدش يطلب اجابه سؤال لان الاجابة ديه وظيفتكم انتوا بقى