ما اجمل تلك المشاعر

وقع طائر فى حب ورده بيضاء جميله, فاتى الطائر الى الورده ليصارحها بصدق مشاعره فرفضت,

فاتاها الطائر مره اخرى فرفضت ومرات ومرات فرفضت , فاصر الطائر ان يشعرها بحبه فقالت له

ساحبك عندما يكون لونى احمر , فطار الطائر فوق الورده وقطع جناحيه واخذ ينشر دمه عليها

عندها علمت الورده انه كان يحبها حب صادق وقبلت حبه ولكن الوقت قد مر, مات الطائر.

نصيحه ( لا تترك الحب الصادق واقترب منه )

منقول

بجد قصه جميله جدا يا باشمهندس ويا ريت فعلا كل شخص يتمسك بالحب الحقيقى

بجد قصه جميله جدا يا باشمهندس ويا ريت فعلا كل شخص يتمسك بالحب الحقيقى

for all wrote:بجد قصه جميله جدا يا باشمهندس ويا ريت فعلا كل شخص يتمسك بالحب الحقيقى

عندك حق يا باشمهندسه فعلا

شكرا يا بشمهندسه ويا وزه على الردود والمرور الكريم

بس تعليق بلاش حكايه يا بشمهندس دى بحس ان انا كمسرى

مفيش احلي من الحب الحقيقي اللي مش موجود في الزمن ده

لو سمحتيلى يا فاطمه

انتى مجروحه اوى ( من خلال ردودك )

ولكن جرحك يعبر عن شعور جميل من ناحيتك ولكن .................

يا خبر لو كل واحد بيحب وحده يعمل كده يبقي
ارحنا في داهيه
لو كان الطائر ده طائر محترم كان جبلها
لون احمر من عند عمو دار الفنون وخلاص
يعني لازم يموت ههههههههههههههههههه

المفروض كان الطائر ده يدور علي حل تاني للون الاحمر ده ويبعد عن فكره الموت طب ما هو لما مات وهي عرفت انه كان بيحبها الحب ده كله طب ما هو كده برده عذبها واللي بيحب حد المفروض مايعذبهوش عموما مابحبش أنا
النهايات المؤلمه دي

يا جماعه انا كان قصدى المضمون
انه مفيش حد يسيب الحب الصادق يضيع من ايديه
مش تقلى دار الفنون وعدس

حبيبى يا وزه

يا فاهمنى انت يا جامد

ههههههههههههههههههههههه

قصه جميله خالص والله وشكرا على ان حضرتك جبتها وليه تعليق بس على كلامك يا لميس انتى اصلا مش فاهمه مغزى القصه والمشكله مش فى اللون الاحمر اللى كان هيجيبه من دار الفنون زى ما انتى بتقولى المشكله فى ازاى هو كان يعرفها ويوصلها حبه حتى لو كان ده هيتسبب فى موته واسفه عشان اتدخلت برأيى

ايوه يا هبه انا بس اللي غايظني
اللون الاحمر ده لاني بحبه
ميتسببش في موت حد يعني رغم
وانا يعني هعمل نفسي مش واخده بالي
علي حكايه مش فاهمه المغزي ده
لان عصر الرومانسيه والحاجات دي
خلاص فلا احنا دلوقتي في هندسه
يعني مبنتهددش
وانا عن نفسي لو واحد عاش فيها دور
قتيل الحب ومبيعرفش يتصرف كويس
يبقي يدورلو علي جوليت هيلقيها في
القصر بتدور عليه بس من خمس تلاف سنه
هههههههههههههههههههههه

اولا منوره يا هبه

ورايك اسعدنى واخيرا لقيت حد فاهم المغزى مش تقلى الون احمر

ههههههههههههههههههههههههه ( معلش دى اخره عماره )

وقولى رايك وعبرى از يو ليك

هههههههههههههههههههههههههههههههههههههههههههههههههه
والله يا جماهع انتم مشكله بجد
بس انا مختلف معاكم هو دا حب انا معاكم بس بهبل وانا عارف ان فى تضحيه فى الحب معاكم
وبالنسبه للقصه دى (انه يموت علشان حاجه الحبيب عايزها علشات تحبه ) لا ده هبل ولما مات استفاد ايه عرف انها كده حبته وبعدين مات يا سلام ايه الهبل ده دا طائر حبيب ده مش عاقل
ولكن ما يمنعش انه يكون فيه تضحيات كتير لسعادده الحبيب
شكرا يا جماعه