حط الشاى جنب الكمبيوتر بس اوعى تشربه

Thu Jul 09, 2009 7:38 pm

السلام عليكم ورحمة الله وبركاته

ازيكوا جميعاً يارب تكونوا بخير

أنا من كام يوم كدا كنت بلف في جوجل

ولاقيت حاجه غريبه أوي عن الشاى

وأنا الأيام دي مدمنة شاى بشرب كتير جداً

ومعرفش ليه وما يحلاش الشرب غير قدام الكمبيوتر

وأحط الماج على مكتب الكمبيوتر

وبالصدفه لاقيت على جوجل موضوع واحده نقلاه عن

أن واحده كانت بتعمل دراسه وبتعد قدام الكمبيوتر فتره طويله

وعنيها تعبت جداً جداً فراحت لدكتور فالدكتور نصحها بنصيحه غريبه أوى

أنها تحط كوباية شاى عند الكمبيوتر وخصوصا عن الكيسه بتاعت البورده والهارد

لأن الشاى بيسحب كل الإشاعات فلما قالتله انها فعلاً بتحط الشاى بس بتشربه

قالها دا غلط لأنها بتشرب الإشاعات

وفعلا تاني يوم عملت فيها الدكتور نورا بقى دكتوره من كلية تجاره ازاى

مش مشكله مش عايزه اعتراض

وروحت جيبت ماج شاى مر جنب الكيسه بليل وأنا أعده

وجيت أشالها الصبح المفاجأه بقى أن الماج قل منه الشاى حبه

وكمان أنا بعمله خفيف فجأه بقى تقيل جداً حبر

لأن الدكتور قال للي كانت بتشتكى من عنيها دي أنه الإشاعات بتغمق

لون الشاى وبتغير طعمه كمان ومن يوميها مش بشربه عند الكمبيوتر

ياريت كلنا ناخد بالنا من دا عشان بينشف المايه في القرانيه

ربنا يكفينا الشر يارب

تحياتي للجميع .